ليه يازمن
معيشنا بغبن
دايم ندفع ثمن

هنادي أسف الدكتوره هنادي ؟!!
كل شئ فيها عادي وماهو عادي
حوارها هادي
تواضعها بادي
الله يستر عليها
حلاها باين بأديها
والا العيون …. اللي فيها سكون
مختلط فيها النهار أخره مع أوله
ليت الجلسه معها مطوله
كانت تتكلم عن هرمون النمو
وكان احساسي اني قدام صاحبة السمو
لانه أخذني الجو
وانا ماحكيت
ولا بحت وشكيت
كنت اطالعها بخجل
الوقت يمر معها بعجل
وهي قمة أدب
معدن ذهب
ذهب أو ما ذهب
سيرة تعب
والحب اليا إنكتب
مايعرف صغير وكبير
أو متعالي وأجير
أو بصير وضرير
أو حتى برد وهجير
الحب ماهو شرط إنه غرام
يمكن صداقه ووئام
أو أخوه بالاسلام
كثير ما نسمع \” رب أخ لم تلده أمك \”
يعني ماهو ولد عمك
لكن همه من همك
كانت تتكلم بوضوح
والكبرياء منها يفوح
بعيونها تلقا الطموح
رغم إنها تعمل في مجتمع كله
ذئاب
مافيه عتاب
كنه كتاب
تلقابه صواب … يمكن
تلقابه عــذاب … يمكن
لكن ودها تنفع المجتمع والناس
حتى لو الوضع جدا حساس
لانها في مجتمع كله جفاف
ماتخاف هي ماتخاف
تربت على العفاف
واثقه من نفسها
ماعليها من يخزها
والله لو تحطها مع الفين رجال
محال يغير طبعها والله محال
اللي شفتها مستحيل تكون … اللي شفتها
اللي شفتها مستحيل تهون … اللي شفتها
كثير ناس نقابلهم بهالحياه
يمكن هم علاج القلب ودواه
أو هم علة القلب وشقاه
والظروف اللي كلها خوف
الظروف اللي كنها سيوف
تجبرنا على تركهم
أو تجبرهم على تركنا
ليه يازمن
معيشنا بغبن
دايم ندفع ثمن
لانا بهالمجتمع مساكين
بهالمجتمع حنا سكاكين
نمشي ولا ندري من نقطعه
نمشي ولا ندري من نجرحه
ودايم اللي بالخاطر يبين لانا مساكين
لو هالمجتمع كله صراحه وضوح
كان ما تلقا الجروح
ولا غربة الروح
نقول ونسمع ونبدي مرئيات
وهيهات لو نبدي مرئيات
كان شفتيني كني بالهايد بارك
كل اللي بخاطري أقوله
وكلن على قوله يحدد ميوله
لكن ياسيدتي :-
ماودي اطول بالكلام
الكلام غصب عني يجيك
يبيك ولا يبيك
واللي أثاره طارف يديك
والا العيون
اللي فيها شجون
خلت الشاعر يمون
على شانها كلش يهون
حتى لوكنت مخطي وغادي
لانك انتي ابد مو شي عادي
يكفي بس قولت الدكتوره هنادي